A Xunta confirma que presentará en xullo o teito de gasto de 2023 "coas estimacións" do IGE sobre prezos
Critica as medidas anunciadas polo Goberno central.
Por E.P. | SANTIAGO DE COMPOSTELA | 13/07/2022 | Actualizada ás 14:52
O conselleiro de Facenda e Administración Pública, Miguel Corgos, confirmou que a Xunta presentará "a finais" de xullo o teito de gasto co que elaborará os orzamentos autonómicos para 2023 e avanzou que recollerá "as estimacións" do Instituto Galego de Estatística (IGE) sobre a evolución dos prezos.
No pleno do Parlamento galego, durante a súa resposta a unha interpelación da deputada do BNG Noa Presas, Corgos fixo este anuncio despois de coñecerse este mesmo mércores que a inflación en Galicia foi en xuño da 11,1% fronte ao 10,2% da media nacional.
Despois de que a nacionalista lle preguntara sobre que medidas aplicará o Executivo galego para paliar esta crise, o conselleiro reivindicou que a súa "preocupación" por esta situación empezou xa "hai un ano", cando comezou a elaboración dos orzamentos de 2022.
Ademais, Miguel Corgos aproveitou para tachar de "populistas" as medidas anunciadas este martes no Congreso polo presidente do Goberno, Pedro Sánchez, xa que só serán un "pegamento da coalición" entre PSOE e Unidas Podemos.
