Dúas persoas resultan feridas nun accidente de tráfico en Maceda

Dúas persoas resultaron feridas nun accidente de tráfico rexistrado na tarde do xoves na OU-536, ao seu paso polo municipio ourensán de Maceda.

Segundo informou o CIAE 112 Galicia, os servizos de Urxencias Sanitarias de Galicia-061 deron o aviso sobre as 20,15 horas, a partir do que se solicitou a intervención dos Bombeiros de san Cibrao, do GES de Maceda, da Garda Civil de Tráfico e de Protección Civil.

Conforme detallaron os servizos de emerxencia, as dúas persoas tiveron que ser excarceradas polos efectivos do GES de Maceda e os Bombeiros do Polígono de San Cibrao das Viñas para recibir asistencia sanitaria.

Control da Garda Civil de Tráfico | Fonte: Garda Civil.