Coñece que planetas podes ver nas noites de agosto
Con boa visibilidade poderás pescudar unha nebulosa anelar.
Por Galicia Confidencial | Compostela | 31/07/2022 | Actualizada ás 10:00
As noites con este bo tempo estival poden aproveitarse para observar no ceo os planetas Venus (ao amencer), Xúpiter e Saturno, podéndose ver estes últimos xa a primeiras horas da noite a finais de agosto.
Outros atractivos astronómicos do verán para contemplar a simple vista son o triángulo formado polas tres estrelas brillantes: Vega, Altair e Deneb, e a propia Vía Láctea, “sendo necesario estar en lugares co ceo ben escuro”, matiza o director do observatorio Astronómico Ramón María Aller da USC, José Ángel Docobo.
Cun pequeno telescopio, o programa de observación amplíase enormemente con obxectos tan interesantes como a nebulosa anelar en Lira, o cúmulo globular de Hércules, a estrela dobre Albireo, ou a dobre-dobre na Lira, entre outros.
