Por Europa Press / Redacción | SANTIAGO DE COMPOSTELA | 02/08/2022 | Actualizada ás 20:59
A Comisión de Sanidade do PPdeG visitou este martes a Axencia de Doazón de Órganos e Sangue (ADOS), en Santiago, e desde alí a secretaria xeral do partido, Paula Prado, reclamou ao Goberno central "unha transfusión de médicos de familia".
Durante a visita --á que tamén acudiu a vicepresidenta segunda do Congreso e secretaria de Sanidade do PP nacional, Ana Pastor-- o conselleiro de Sanidade, Julio García Comesaña, explicou ante os medios que Galicia precisaría "50 médicos adicionais máis, polo menos durante catro anos". En todo o Estado, farían falta uns 1.000.
Neste contexto, Paula Prado reiterou que agora mesmo a falta de profesionais non é un problema de diñeiro, senón de "falta de especialistas" e que, para iso, é necesario unha "transfusión" e "o único doante que pode facela é o Goberno de Pedro Sánchez".
o silencio".
"Pedímoslle seriedade, que escoite as necesidades da sanidade galega, que apague ese escaparate no que só pretende lucirse e que se preocupe dos problemas de Estado, como o da falta de médicos", insistiu o 'número dous' dos populares galegos.
De feito, a secretaria xeral nega que sexa unha cuestión de precariedade laboral, como denuncia a oposición, e destaca que este luns a Xunta aprobou un teito de gasto histórico con 12.599 millóns de euros para deseñar os seus orzamentos para 2023.
MIR
Por outra banda, Comesaña negou, agora, que a súa proposta para aliviar a situación dos PAC recolla que os MIR de cuarto ano teñan que quedar sós no centro, polo que "non hai ningún problema legal" na proposta.
"Este tema está falado coas comisións de docencia. Estamos a falar de MIR 4, médicos que levan catro anos formándose nun centro acreditado, e o que lles pedimos é que estean acompañados por un adxunto, neste caso un médico de Urxencias de PAC", aclarou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.