Desviados dous voos ao aeroporto de Santiago por néboa no aeródromo da Coruña

Dous voos con destino A Coruña tiveron que desviarse ao aeroporto de Santiago de Compostela por néboa nas inmediacións do aeródromo de Alvedro.

Un deles, operado por Iberia, saía de Madrid ás 7,21 horas e aterrou finalmente na capital galega ás 8,40 horas, á mesma hora á que estaba previsto chegase ao aeródromo coruñés.

O outro voo desviado, de Vueling, partía de Barcelona ás 6,50 horas e chegaba a Lavacolla ás 9,02 horas, 20 minutos máis tarde da hora prevista de aterraxe en Alvedro.

Aeroporto de Alvedro, A Coruña | Fonte: Concello da Coruña.