A pandemia deixa en Galicia dous novos falecementos

Aumentan os casos diarios e totais, aínda que descenden as hospitalizacións.

Por Europa Press / Redacción | SANTIAGO DE COMPOSTELA | 19/08/2022 | Actualizada ás 12:02

Comparte esta noticia

A pandemia deixa dúas novas vítimas en Galicia, dúas mulleres de 69 e 84 anos, falecidas na área de Vigo o pasado 13 de agosto. Ambas contaban con patoloxías previas. Deste xeito, o total de mortes con covid elévase a 3.871.

Mentres, os casos diarios elévanse a 176, por encima dos 159 da xornada anterior. Así mesmo, os casos totais seguen á alza e xa supoñen 1.717 (102 máis), segundo datos do xoves ás 18,00 horas. No entanto, as persoas hospitalizadas continúan á baixa, cun total de 173 (nove menos). Do total, 11 están na UCI (un menos) e as 162 restantes están en planta (8 menos). A elas súmanse 1.544 en domicilio (111 máis).

Desde o inicio da pandemia, hai un total de 667.625 persoas curadas en Galicia. Ademais, as PCR realizadas rozan os 4 millóns, á vez que as doses de vacinas administradas son de 6,7 millóns.

DATOS POR ÁREAS

Os casos activos totais crecen en todas as áreas: A Coruña conta co maior número de contaxios, con 425 (22 máis). Séguelle: Ourense, con 289 (18 máis); Lugo, con 235 (seis máis); Santiago, con 233 (21 máis); Vigo, con 221 (nove máis); Pontevedra, con 176 (21 máis), e Ferrol, con 128 (seis máis).

No tocante a hospitalizacións, na área da Coruña hai 50 (sete menos), con 47 en planta e tres en UCI. En Ourense, son 24 (catro menos), con 22 en planta e dúas en UCI. En Pontevedra, son 28 (seis máis), 27 en planta e un un en UCI. En Vigo, son 21 (uns menos), con 20 en planta e un en UCI. En Santiago, continúa sen cambios con 23 hospitalizados, 20 en planta e tres en UCI. En Lugo, hai 12 (catro menos), ningún deles en UCI. En Ferrol, 15 hospitalizados (un máis), 14 en planta e un en UCI.

Sanitarios vacinan a persoas maiores de 80 anos coa dose de Moderna / Europa Press.  / Europa Press
Sanitarios vacinan a persoas maiores de 80 anos coa dose de Moderna / Europa Press. / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta