Soben as hipotecas sobre vivendas un 18,2% en xuño
Son, con todo, un 16,5% menos que as que rexistrou Galicia no mes de maio.
Por E.P. | Santiago de Compostela | 26/08/2022 | Actualizada ás 10:35
O número de hipotecas constituídas sobre vivendas aumentou un 18,2% en xuño en Galicia en relación co mesmo mes do ano anterior, seis puntos máis que o incremento rexistrado pola media (+12%), segundo os datos que publica este venres o Instituto Nacional de Estatística (INE).
Desta maneira, asináronse 1.270 hipotecas sobre vivendas en Galicia, que son, con todo, un 16,5% menos que en maio. O capital prestado, uns 138,17 millóns de euros, é un 25% menos que o mes anterior pero un 19,8% máis que hai 12 meses.
No conxunto estatal, as hipotecas constituídas sobre vivendas aumentaron un 12% respecto de xuño de 2021, ata sumar 42.767 préstamos, a maior cifra nun mes de xuño desde 2010, cando se asinaron máis de 56.700 hipotecas. Co avance interanual de xuño, que modera en máis de 12 puntos o rexistrado en maio, a firma de hipotecas sobre vivendas encadea 16 meses de ascensos interanuais consecutivos.
DATOS GALEGOS
En total, en Galicia, asináronse 1.806 hipotecas en xuño, por 182,05 millóns: 33 correspondentes a leiras rústicas (por 7,11 millóns) e 1.773 sobre leiras urbanas (por 174,94 millóns).
As 1.773 hipotecas correspondentes a leiras urbanas repartíronse entre as 1.270 vivendas (138,17 millóns), sete solares (por 3,48 millóns) e 496 doutro tipo (case 33,29 millóns). Mentres, houbo 1.778 cancelacións: 93 de hipotecas sobre leiras rústicas, 1.162 correspondentes a vivendas, 13 sobre solares e 510 en leiras urbanas doutra clase.
