Galicia ten 107 casos de vexigas do mono, segundo Sanidade
Por E.P. | SANTIAGO DE COMPOSTELA | 26/08/2022 | Actualizada ás 14:49
O número de casos confirmados por vexigas do mono sitúase en Galicia en 107, segundo datos achegados este venres polo conselleiro de Sanidade, Julio García Comesaña.
A preguntas dos xornalistas, explicou que houbo un momento de "incremento importante" na incidencia destes casos, pero apostilou que agora está máis "retardado". Tamén precisou que se está vacinando ás persoas de contactos estreitos e que a Comisión de Saúde Pública está co protocolo para "poder facer de cada dose --da vacina-- cinco".
Sobre os casos rexistrados en Galicia, asegurou que, a pesar de ser das "máis pequenas" do Estado, "preocupa". Por iso, dixo, trabállase na prevención "e a vacina deses contactos estreitos".
