Por E.P. | SANTIAGO DE COMPOSTELA | 31/08/2022 | Actualizada ás 11:18
Depedro, La Bien Querida, Alice Wonder e Arco son os protagonistas da quinta edición do ciclo de concertos Momentos Alhambra Acustiquísimos, que levará a estas bandas a catro cidades galegas durante este outono.
Ourense, Vigo, Santiago e A Coruña son os emprazamentos para as catro citas musicais dun ciclo que recupera en 2022 o seu formato habitual, segundo informan este xoves os seus promotores.
Os directos concentraranse en dous fins de semana de novembro. La Bien Querida, en dúo acústico, serán os encargados de abrir o ciclo cun concerto no hall Proa de Palexco, na Coruña, o venres 4 de novembro. Ao día siguiete, Antonio Arco estará en Ourense, onde ofrecerá a súa fusión de rock e flamenco no Centro Cultural Marcos Valcárcel.
Depedro e Alice Wonder pecharán o ciclo dúas semanas máis tarde. Os primeiros estarán no Patio de Cristal do Hotel Monumento San Francisco de Santiago o venres 18 de novembro e os segundos no hall do Teatro Afundación o sábado 19.
As entradas para os catro directos de Momentos Alhambra Acustiquísimos 2022 estarán a disposición do público a partir do próximo martes 6 de setembro na plataforma dixital 'ataquilla.com'.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.