A baixada de temperaturas e as chuvias axudan a extinguir o incendio de Melón e contrar o de Cenlle
Os lumes afectaron estes días principalmente á provincia de Ourense.
Por Europa Press / Redacción | SANTIAGO DE COMPOSTELA | 01/09/2022 | Actualizada ás 10:23
A Consellería de Medio Rural informou da extinción do incendio que afectaba o municipio ourensán de Melón e que queimou 75 hectáreas, mentres que dá por controlado o de Cenlle, na mesma provincia, con 62 hectáreas de terreo afectadas.
A situación dos incendios mellorou nas últimas horas en Galicia, especialmente na provincia de Ourense, coincidindo cunha baixada xeneralizada das temperaturas e a chegada das primeiras choivas, que se estenderán nos próximos días.
Segundo informou no seu último parte a Consellería de Medio Rural, dos dous lumes de considerables dimensións --máis de 20 hectáreas-- que aínda permanecían sen extinguir na comunidade, os servizos contra incendios lograron apagar de madrugada --ao redor das 1,30 horas-- un, o de Melón, que afectou a 75 hectáreas de monte raso.
Para aplacar este lume forestal, destináronse 14 axentes, 25 brigadas, 18 motobombas, unha pa, catro avións e tres helicópteros. Pola súa banda, desde as 22,27 horas deste mércores dáse por controlado o incendio forestal de Cenlle, tamén en Ourense, iniciado na parroquia da Pena e que queimou unhas 62 hectáreas de terreo.
