O delegado do Goberno sinala que as ocupacións non se dan en vivendas habitadas

Asegura que non se produciu un aumento da delincuencia.

Por E.P. | SANTIAGO DE COMPOSTELA | 15/09/2022 | Actualizada ás 13:06

Comparte esta noticia

O delegado do Goberno, José Miñones, apuntou ás cifras para sinalar que a ocupación en Galicia correspóndese en maior medida con vivendas baleiras ou en propiedade das entidades bancarias que coas habitadas. 

O delegado do Goberno, José Miñones, en Lugo. DELEGACIÓN DO GOBERNO
O delegado do Goberno, José Miñones, en Lugo. DELEGACIÓN DO GOBERNO | Fonte: Europa Press

"Aí temos que facer ese reforzo e está a haber unha actuación policial, tanto de Policía Nacional e Garda Civil, para evitar eses problemas", destacou, a preguntas dos xornalistas en Lugo. Respecto diso, Miñones comprometeu "seguir traballando nesa liña" e recomendou ás familias "seguir as medidas que están a trasladar" os corpos e forzas de seguridade do estado "para a protección de vivendas". 

Por outra banda, o delegado do Goberno foi interrogado por un incremento da inseguridade tras a agresión sufrida por un mozo esta madrugada na Coruña, ao que volveu a responder con alusión aos datos.

"As cifras están aí, (o incremento o último ano) de delitos principalmente está centrado nos de ciberdelincuencia", indicou. Neste sentido, matizou que se comparan "anos de pandemia onde era menor a delincuencia". Fronte á ciberdelincuencia, asegurou "estar a pór os medios necesarios a través das 'unidades arroba' ou coas liñas de investigación da Policía Nacional".

En canto a agresións e roubos, informou de que as cifras son "as mesmas" que en 2019. En calquera caso, "detrás das cifras hai unha preocupación real", dixo, e "unha actuación moi rápida".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta