A onde poderei viaxar con Ryanair desde o aeroporto de Santiago este inverno?

A aerolínea anunciou este xoves o seu calendario para a tempada de inverno, cun total de 21 rutas para viaxar a diferentes destinos, 10 delas internacionais.

Por Europa Press / Redacción | SANTIAGO DE COMPOSTELA | 15/09/2022 | Actualizada ás 18:43

Comparte esta noticia

Ryanair anunciou este xoves o seu calendario para a tempada de inverno desde o aeroporto de Santiago de Compostela, cun total de 21 rutas para viaxar a diferentes destinos, 10 delas internacionais.

Entre as rutas que operará a próxima tempada desde o Rosalía de Castro están sete novos voos directos, todos eles internacionais, a Bordeus, Bruxelas (Charleroi), Dublín, Edimburgo, Marsella, Memmingen e París (Beuavais). A isto súmanse, fóra das fronteiras, as liñas de Bolonia, Milán (Bérgamo) e Londres. Así mesmo, en liñas nacionais, seguirán tendo ligazóns directas con Barcelona e Madrid, Illas Baleares e Canarias, Alacante, Valencia, Málaga ou Sevilla.

Para celebrar o calendario de inverno, a aerolínea lanzou unha oferta de asentos con voos a partir de 24,99 euros por traxecto para viaxar desde outubro de 2022 ata marzo de 2023. Esta promoción estará dispoñible ata o 30 de novembro, na páxina web Ryanair.com.

Avión de Ryanair
Avión de Ryanair | Fonte: Ryanair - Europa Press.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 cosmo

Non me gusta nada Ryanair - xa sei de que é de "baixo custo", pero é mega-cutre. E de barato, non tanto.