(Vídeo) Interpelan a Alberto Garzón ao berro de "Marrocos asasina, España patrocina" en Pontevedra

"Demandamos máis dos ministros que din que apoian a causa pero que na práctica permanecen en silencio", explica Mocidade Activa Saharauí.

Por Galicia Confidencial | SANTIAGO DE COMPOSTELA | 27/09/2022 | Actualizada ás 14:24

Comparte esta noticia

O colectivo Mocidade Activa Saharauí mobilizouse este luns, 26 de setembro, en Pontevedra para denunciar a "inacción do Goberno" respecto dos produtos importados do Sahara Occidental ocupado e a presenza de empresas españolas no territorio.

Mocidade Activa Saharauí mobilízase en Pontevedra
Mocidade Activa Saharauí mobilízase en Pontevedra | Fonte: remitida

"Demandamos máis dos ministros que din que apoian a causa pero que na práctica permanecen en silencio", explican nun comunicado.

A protesta levouse a cabo no Museo de Pontevedra, onde o ministro de consumo, Alberto Garzón, se atopaba nun evento organizado pola Universidade de Vigo. Garzón atendeu as dúas cuestións expostas polo colectivo en relación á importación de produtos e á posibilidade de sancións ás empresas españolas no territorio, mais asegurou que o seu ministerio non ten competencia nesta materia. No entanto, explica Mocidade Activa Saharauí, afirmou o seu apoio ao pobo saharauí.

Ao finalizar o acto, o ministro Garzón saíu entre cánticos que reclamaban a liberdade do pobo saharauí e carteis nos que se denunciaba o espolio dos recursos saharauís. Podes ver o momento neste vídeo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta