Turoperadores portugueses exploran todas as posibilidades turísticas de toda Galicia

Os turoperadores mantiveron un encontro coa directora de Turismo de Galicia, Nava Castro, quen destacou a importancia de estreitar lazos co sector turístico doutros países para atraer visitantes á comunidade

Por E.P. | SANTIAGO DE COMPOSTELA | 04/10/2022 | Actualizada ás 18:25

Comparte esta noticia

Unha trintena de turoperadores chegados de Portugal visitaron Galicia nos últimos días para coñecer a oferta turística da Comunidade galega, especialmente a vinculada ao Camiño de Santiago e a capital galega.

Convidados pola cadea Carrís Hoteis de Santiago de Compostela, a delegación de profesionais do turismo do país luso visitaron o albergue do Monte do Gozo e o hotel Casa da Troia, situada no centro histórico compostelán.

Ademais, os turoperadores mantiveron un encontro coa directora de Turismo de Galicia, Nava Castro, quen destacou a importancia de estreitar lazos co sector turístico doutros países para atraer visitantes á comunidade.

"Hai motivos para pensar cada vez máis nas sinerxías entre as empresas dos dous países, que poden realizar accións de promoción conxuntas", destacou Nava Castro.

Unha delegación de turoperadores portugueses coa directora de Turismo de Galicia, Nava Castro, no hotel Casa da Troia, en Santiago. CARRÍS HOTEIS
Unha delegación de turoperadores portugueses coa directora de Turismo de Galicia, Nava Castro, no hotel Casa da Troia, en Santiago. CARRÍS HOTEIS | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta