As confrarías advirten dun posible encarecemento do peixe tras o veto á pesca de fondo

O sector "de momento" estase "adaptando" á normativa europea, que se fixo efectiva o domingo.

Por Europa Press / Redacción | SANTIAGO DE COMPOSTELA | 11/10/2022 | Actualizada ás 11:41

Comparte esta noticia

O presidente da Federación Nacional de Confrarías de Pescadores e patrón maior do porto de Burela, Basilio Otero, advertiu dun posible encarecemento do peixe tras a entrada en vigor do veto á pesca de fondo en 87 caladoiros do Atlántico. "Se entra menos peixe, imaxínome que algo se encarecerá", dixo. Otero recoñeceu que, "coa globalización", resulta "difícil" que se se deixa un nicho de mercado non entre mercadoría de fóra, aínda que "a calidade é diferente", tal e como sentenciou.

O presidente das confradías explicou que o sector "de momento" estase "adaptando" á normativa europea, que se fixo efectiva o domingo. A pesar de que "non pararon embarcacións", si puntualizou que "algún que tiña que saír" optou por esperar "un par de días para ver como está a cousa no mar".

"Falan de que nalgúns sitios están a traballar a quendas, están a esperar que saia un barco para que poida entrar outro. De momento tranquilidade, esperamos adaptarnos", subliñou. En canto á posibilidade de atopar novas zonas de pesca, Basilio Otero avanzou que "se buscará algún caladoiro", aínda que "iso será máis a longo prazo". "Irase investigando aos poucos, están a explorar", recapitulou. 

Un traballador manexa peixe en caixas de plástico, na lonxa da Coruña, a 18 de marzo de 2022. M. Dylan - Europa Press
Un traballador manexa peixe en caixas de plástico, na lonxa da Coruña, a 18 de marzo de 2022. M. Dylan - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta