Mirta Sueiro, nova directora xeral de Sogama
O último cargo que desempeñou antes da súa incorporación a Sogama foi o de Responsable do Programa de Transformación Dixital "ALFIL", dentro da Dirección Xeral deInfraestruturas.
Por E.P. | SANTIAGO DE COMPOSTELA | 30/10/2022 | Actualizada ás 13:14
Mirta Sueiro é xa a nova directora xeral de Sogama tras substituír no cargo a Isidro García, que cesou por acollerse á xubilación.
O cargo, explica a Xunta nun comunicado, depende orgánicamente da presidencia executiva da compañía que ostenta, desde principios de 2015, Javier Domínguez. Leva asociadas responsabilidades nas áreas técnica, I+D+i, prevención de riscos e recursos humanos.
Sueiro é enxeñeira técnica industrial pola Universidade de Vigo e enxeñeira química pola de Santiago de Compostela, con Premio Extraordinario Fin de Carreira en ambas as titulacións, así como premio ao Mellor Proxecto Final de Carreira.
O seu currículo académico complétase cun Máster de Instrumentación e Control ISA-REPSOL, polo Centro Superior de Formación de Repsol Madrid, e un Máster en Xestión Empresarial pola Universidade Autónoma de Barcelona.
Detallan ademais que conta "cunha dilatada experiencia profesional" en Enagas. O último cargo que desempeñou antes da súa incorporación a Sogama foi o de Responsable do Programa de Transformación Dixital "ALFIL", dentro da Dirección Xeral deInfraestruturas.
