Un ciclista resulta ferido en Caldas de Reis logo dunha caída mentres circulaba por unha pista forestal
O 112 pasou aviso ao 061, que informou da mobilización do helicóptero medicalizado con base en Santiago de Compostela para atender ao paciente con moita brevidade.
Por E.P. | SANTIAGO DE COMPOSTELA | 30/10/2022 | Actualizada ás 13:29
Un ciclista resultou ferido en Caldas de Reis tras sufrir unha caída mentres circulaba por unha pista forestal na parroquia de Carracedo.
Segundo informa o 112, foi un particular o que avisou ao servizo do ocorrido ao redor das 11,30 horas, solicitando ademais asistencia médica para o ferido, que perdera o coñecemento.
O 112 pasou aviso ao 061, que informou da mobilización do helicóptero medicalizado con base en Santiago de Compostela para atender ao paciente con moita brevidade. A aeronave tomou terra nas proximidades do lugar do accidente poucos minutos despois.
Ademais, tamén os feitos tamén se puxeron en coñecemento dos axentes da Garda Civil e dos efectivos de Protección Civil de Caldas de Reis e Cuntis.
