O 061 atendeu un total de 42 asistencias en 38 accidentes de tráfico durante a fin de semana
O 40 por cento dos atendidos tiña entre 20 e 34 anos.
Por Europa Press / Redacción | SANTIAGO DE COMPOSTELA | 07/11/2022 | Actualizada ás 15:12
Urxencias Sanitarias de Galicia- 061 asistiu, durante o fin de semana, a un total de 42 persoas debido a 38 accidentes de tráfico ocorridos nas estradas galegas entre as 15 horas do venres e as 23,59 horas do domingo 6 de novembro.
Segundo informou o 061, o domingo foi o día en que se rexistraron máis accidentes, con 15 sinistros de tráfico. En relación a eles, recibiu 44 chamadas que xeraron 42 asistencias, o 57,5 por cento de homes. O 40 por cento dos atendidos tiña entre 20 e 34 anos.
Por provincias, A Coruña foi a que máis sinistros rexistrou, con 21 accidentes, seguida de Pontevedra (10), Lugo (4) e Ourense (3).
O 061 mobilizou 43 medios: ambulancias de soporte vital avanzado (3 accidentes), as ambulancias asistenciais de soporte vital básico (36 sinistros) e os equipos de atención primaria que completan a dotación das ambulancias asistenciais de soporte vital básico (4 accidentes).
En 29 casos os feridos foron trasladados aos centros sanitarios correspondentes e en 13, foron atendidos no propio lugar.
