O peche de Ence tería "efectos colaterais" para outras empresas, como a Papeleira de Brandia
Por Europa Press / Redacción | SANTIAGO DE COMPOSTELA | 16/11/2022 | Actualizada ás 16:48
O presidente da Xunta, Alfonso Rueda, advertiu este mércores dos "efectos colaterais" que o peche da planta de Ence na ría de Pontevedra tería para outras empresas e puxo o exemplo da Papeleira de Brandia, en Santiago de Compostela.
"Veríase moi afectada se se conseguise o obxectivo no que moitos se empeñan. Aquí hai un bo exemplo de que todo está interconectado, de como as decisións que se toman teñen consecuencias", advertiu o presidente galego, durante a súa visita a esta factoría.
A Papeleira de Brandia, considerada como a máis antiga de Galicia, con 212 anos, Rueda desexoulle "moitos anos de vida", que "poida seguir día a día superando dificultades" e "manténdose nun sector tan difícil".
Previamente, interviñera o director xerente de Papeleira de Brandia, Gaspar Barreiras, que salientou o papel dunha compañía que chega ao cinco continentes, a máis de 50 países.
Rueda personalizou na familia de traballadores desta empresa de Vidán o apoio coa supervivencia do seu tecido empresarial, e lembrou que, por exemplo, que o executivo autonómico logrou que o central incluíse nos plans de continxencia axudas á cogeneración, "como é o caso de moitas papeleiras".
AXUDAS
Pero como o impacto da subida de prezos da enerxía non deixa de influír, destacou que os Orzamentos de 2023 duplicarán as axudas para aforro e eficiencia enerxética destinadas as pemes e fogares ata alcanzar case os 80 millóns de euros.
Así mesmo, remarcou que as contas autonómicas reforzarán tamén a transformación empresarial con máis fondos e medidas como a Axenda Financeira, dotada de 140 millóns para apoiar a solvencia e liquidez do tecido empresarial.
