A Eurocámara pide cambiar o status de protección de lobos e osos para defender ao gando
Por Europa Press / Redacción | BRUXELAS | 24/11/2022 | Actualizada ás 19:00
O pleno do Parlamento Europeo pediu á Comisión Europea que cambie o status de protección de lobos e osos para protexer ao gando dos ataques destes animais e atopar o equilibrio adecuado entre a coexistencia de humanos, explotacións gandeiras e grandes carnívoros, en particular, nas zonas rurais.
Nunha resolución adoptada o xoves por 306 votos a favor, 225 en contra e 25 abstencións, os eurodeputados argumentaron que o número de varias especies estritamente protexidas de grandes carnívoros, como é o caso de lobos e osos, foi en aumento na UE.
Por iso, a Eurocámara reclamou que a Comisión continúe avaliando e monitoreando a poboación destes animais en réxime de protección especial, así como o dano causado polos seus ataques e que fomente unha mellor colaboración transfronteiriza entre os Estados membro, xa que os carnívoros móvense a través de grandes distancias.
Así mesmo, o Parlamento instou á Comisión adaptar o estado de protección das especies en función dos resultados desta análise aínda que o estado de conservación do lobo a nivel paneuropeo xa xustifica a súa mitigación, segundo a resolución.
Por último, os eurodeputados reclaman tamén, tanto á Comisión como aos Estados membro "que identifiquen cientificamente as mellores medidas preventivas factibles para reducir os ataques".
