Por E.P. | SANTIAGO DE COMPOSTELA | 02/12/2022 | Actualizada ás 11:08
A Dirección General de Tráfico (DGT) prevé máis de 175.500 desprazamentos na rede viaria galega e doutras zonas do noroeste español, durante a operación especial da ponte de decembro, que comeza este venres e esténdese ata o vindeiro domingo.
Segundo sinalou a DGT nun comunicado, espérase que as estradas galegas rexistren un 13% dos 13,5 millóns de desprazamentos previstos en España durante a operación especial de tráfico.
O dispositivo especial ponse en marcha este venres 2 de decembro ás 15,00 horas e ata a medianoite do domingo 11 de decembro, con motivo das festividades de ámbito estatal da Constitución e da Inmaculada.
Así, a DGT sinalou como vías máis afectas por intensidade de tráfico en Galicia na autoestrada AP-9 e nas autovías A-6, A-8, A-52 e A-55. Tamén se espera tráfico intenso na nacional N-550.
Por este motivo, a DGT preparou un operativo especial que inclúe medidas de regulación, ordenación e vixilancia que garantan a mobilidade e a fluidez nas estradas e, ao mesmo tempo, velen pola seguridade viaria.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.