O delegado do Goberno en Galicia pide cumprir a Constitución sen "escusas"

O delegado do Goberno en Galicia, José Miñones, advertiu hoxe sobre quen fan lecturas "a conveniencia" do contido da Constitución Española e chamou a garantir o cumprimento íntegro da Carta Magna para impulsar o progreso de España e de Galicia, sen "escusas".

Fíxoo no acto institucional do 44 aniversario da Constitución española, que reivindicou com un "texto vivo" que permite á cidadanía sumar dereitos e alcanzar conquistas sociais "desde o acordo e o traballo común".

"Cumprir a Constitución é a mellor forma de defendela", sostivo Miñones que rexeitou a quen xustifican cumprimentos parciais da mesma."Non poden obviar obrigacións e esixir dereitos, quen actúa así perde lexitimidade", apostilou.

Fíxoo nun discurso, ante autoridades civís e militares, no Palacio Municipal de María Pita despois de que a Delegación do Goberno trasladase por primeira vez este acto fóra da súa sede para inaugurar unha nova "tradición", indicou Miñones.

Acto conmemorativo do Día da Constitución. DELEGACIÓN DO GOBERNO EN GALICIA | Fonte: Europa Press