Baltar destaca en Bruxelas a importancia do termalismo ourensán na construción de destinos turísticos de saúde

Por Europa Press / Redacción | OURENSE | 09/12/2022 | Actualizada ás 18:44

Comparte esta noticia

O presidente da Deputación de Ourense e presidente da Asociación Europea de Cidades Históricas Termais (Ehtta), Manuel Baltar, destacou este venres en Bruxelas o potencial do termalismo ourensán na construción de destinos turísticos de saúde.

Segundo sinalou a Deputación nun comunicado, Baltar repasou as fortalezas termais da provincia despois da celebración do V Cume Europeo da Industria do Turismo de Saúde, que reuniu delegacións de máis de cincuenta países no Parlamento Europeo.

Baltar indicou que o seu obxectivo é "analizar os desafíos e as oportunidades que teñen os lugares termais para a construción de destinos de saúde".

Así, destacou o programa de dixitalización da oferta balnearia da provincia, 'Ourense, a provincia termal'. Ademais, resaltou a apertura dun noveno establecemento termal, así como o gran hotel balneario "de referencia en Europa" que se proxecta no Pazo Provincial.

Nesta liña, Baltar insistiu en que estas iniciativas sitúan á provincia de Ourense "sen ningún tipo de dúbida, nunha posición de vantaxe que non pasará desapercibida para os países e os turistas da contorna".

O presidente da Deputación de Ourense e presidente da Asociación Europea de Cidades Históricas Termais (Ehtta), Manuel Baltar, este venres en Bruxelas
O presidente da Deputación de Ourense e presidente da Asociación Europea de Cidades Históricas Termais (Ehtta), Manuel Baltar, este venres en Bruxelas | Fonte: Deputación de Ourense

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta