Por E.P. | SANTIAGO DE COMPOSTELA | 12/12/2022 | Actualizada ás 18:43
A ministra de Industria, Reyes Maroto, garantiu o apoio do Goberno central ás empresas galegas e lamentou que a Xunta busque a "crispación" co Goberno central. "Di moito, pero fai pouco", censurou, con respecto ao Executivo galegp.
Así respondeu ao presidente da Xunta de Galicia, Alfonso Rueda, despois de que este trasladase a súa "preocupación" polo apoio do Goberno cara á industria e o atraso na repartición dos Fondos Next Generation. A estas palabras sumáronse as do vicepresidente primeiro e conselleiro de Economía, Industria e Innovación, Francisco Conde, quen tamén se refería de novo nunha entrevista na Ser a que existe risco de deslocalización da produción industrial se o Goberno non tramita "con axilidade" os fondos europeos".
Fronte a iso, Reyes Maroto garantiu o apoio ao sector industrial, amparándose en "tres proxectos emblemáticos para Galicia" dentro do Perte do hidróxeno verde. Así mesmo, enxalzou o "acompañamento" a proxectos da man de Stellantis ou "o desenvolvemento de novas capacidades industriais" e tamén "o investimento que fará Maerks que elixiu Andalucía e Galicia para desenvolver un proxecto único en Europa, desde o punto de vista da descarbonización do transporte marítimo".
Neste sentido, criticou que "a pregunta debería ser que achega a Xunta para acompañar estes investimentos que o Goberno trae a Galicia", lamentando que a Xunta de Galicia busca con estas declaracións "xerar crispación", cando "o que é necesario é que a administración, con competencias en industria, apoie os investimentos como o fai o Goberno de España, facendo política útil".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.