Por Europa Press / Redacción | SANTIAGO DE COMPOSTELA | 13/12/2022 | Actualizada ás 11:04
Tres clínicas privadas galegas facilitarán teléfonos gratuítos para a información aos consumidores e a atención ás consultas, incidencias e reclamacións dos seus clientes, despois de que a Federación de Asociacións de Consumidores e Usuarios Facua-Consumidores en Acción presentase unha denuncia.
Segundo sinalou a asociación nun comunicado, en marzo de 2022 interpuxo denuncias, ante a Dirección Xeral de Consumo e as autoridades de protección ao consumidor das súas respectivas comunidades, contra 146 dos 150 centros que "analizara por vulnerar esta obrigación legal".
Nesta liña, Facua indicou que entre as irregularidades detectadas estaban "combinar liñas 902 con teléfonos xeográficos para a atención aos consumidores", así como "presentar liñas gratuítas só para información xeral e indicar teléfonos con custo para outras xestións".
Así mesmo, a asociación indicou que das 28 das 146 clínicas privadas denunciadas, rectificaron e atenderán aos clientes a través dos teléfonos gratuítos. En Galicia, os centros que terán este servizo son o Hospital Quirónsalud A Coruña, Centro Médico Quirónsalud Ferrol e o Hospital Quirónsalud Pontevedra.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.