Ferido en Marín un serrador ao levar un forte golpe cando traballaba no monte
Foi evacuado en ambulancia
Por E.P. | PONTEVEDRA | 28/12/2022 | Actualizada ás 14:01
Un serrador resultou ferido este mércores en Marín ao levar un forte golpe cando realizaba o seu traballo nunha zona de monte. Segundo informa o 112 Galicia, foi a súa muller quen, sobre as 12,10 horas do mediodía, contactou coa central de emerxencias para indicar que o seu marido estaba a ser trasladado por un familiar a unha rotonda para que puidese recollelo un vehículo sanitario.
Ademais, a muller relataba que estaba ferido porque se deu un golpe moi forte, sen especificar por que. Cando o serrador traballaba, atopábase na PO-313, en Pardavila. Seguidamente, o 112 informou a Urxencias Sanitarias-061, á Policía Nacional, á Local e a Protección Civil de Marín. Finalmente, os profesionais sanitarios confirmaron a evacuación do ferido na ambulancia que levaran ata o punto. Foi derivado ao Hospital Montecelo de Pontevedra.
