Detido o autor do atraco a punta de pistola unha gasolineira en Vilagarcía de Arousa

A Policía Nacional informou da detención o pasado 19 de xaneiro do autor dun roubo con violencia e intimidación nunha gasolineira de Vilagarcía de Arousa o 20 de decembro.

Ás 18,05 horas dese día, o atracador accedeu á gasolineira e demandou o diñeiro a un dos traballadores que se atopaba nese momento na caixa, utilizando unha arma detonadora manipulada.

Tras coller o diñeiro da caixa, esixiu máis e tamén se apropiou das moedas que había noutra caixa, para o cambio, subtraendo un total de 1.100 euros. O home fuxiu a pé nun primeiro momento, cruzando a beiravía cara ao outro lado e despois subiuse a un vehículo estacionado na zona. Unha vez localizado e detido en Vilanova, os axentes realizaron unha entrada e un rexistro no domicilio do investigado.

Na entrada que levou a cabo os axentes atoparon unha arma de fogo detonadora que fora modificada e habilitada para disparar, unha pistola de metal con cargador de bólas de plástico, un fusil de asalto e un maletín con carga de bólas de rifle, así como as pezas que o presunto autor levaba postas o día do atraco á gasolineira. O detido foi posto a disposición da autoridade xudicial, quen decretou o seu ingreso no centro penal da Lama.

Armas localizadas no rexistro do domicilio do home detido polo atraco de Vilagarcía.. POLICÍA NACIONAL | Fonte: Europa Press