Os parques provinciais de bombeiros de Ourense serán xestionados de forma única a partir do 1 de febreiro

A Xunta e a Deputación de Ourense acordaron dar pasos na unificación da xestión dos parques de bombeiros provinciais, é dicir, os do Carballiño-Ribeiro, Valdeorras, Xinzo de Limia e Verín, que levará a cabo a partir do 1 de febreiro.

Este venres, a sede do goberno provincial acolleu unha reunión do pleno do consorcio provincial, integrado por deputación e Xunta, onde se procedeu a constituír a comisión mixta que se encargará dos trámites para cumprir o acordo.

Deste xeito, o cambio de modelo será efectivo o 1 de febreiro no catro parques , onde traballan 75 bombeiros. Tanto o director xeral de Emerxencias, Santiago Villanueva, como o presidente do Consorcio Provincial, Pablo Pérez, manifestaron a súa satisfacción pola colaboración entre institucións, o que permitiu dar pasos cara á integración que levará a cabo nuns días.

Camión de bombeiros | Fonte: EDIMA