Dous motoristas resultan feridos nun accidente con dúas motos implicadas en Vigo

Dous motoristas resultaron feridos durante a noite deste venres nun accidente no que se viron implicadas dúas motos na Avenida de Florida, en Vigo.

Segundo trasladou o 112 Galicia, varias persoas contactaron coa central de emerxencias para informar deste sinistro. Nesta comunicación, un dos alertantes sinalaba que un dos implicados quedara tirado na rúa tras a colisión.

Con esta información, os xestores do Centro Integrado de Atención ás Emerxencias de Galicia pediron a colaboración dos profesionais dos servizos sanitarios, así como dos axentes da Policía Local.

Accidente dunha moto | Fonte: GARDA CIVIL