A partir deste sábado poderás facer doazóns económicas en Gadis para a Asociación Contra o Cancro
Os fondos recaudados estarán destinados a impulsar a investigación e a financiar os servizos de asistencia e de apoio aos pacientes e á súa contorna familiar
Por E.P. | SANTIAGO DE COMPOSTELA | 03/02/2023 | Actualizada ás 12:03
Os supermercados Gadis de Galicia e Castela e León recadarán fondos nunha nova edición da campaña 'A compra da túa vida', da Asociación Española Contra o Cancro (AECC), destinados a impulsar a investigación e a financiar os servizos de asistencia e de apoio aos pacientes e á súa contorna familiar.
Nun comunicado, a cadea de distribución alimentaria explica que as doazóns económicas poderán realizarse desde este sábado, 4 de febreiro, ata o próximo día 11. Os clientes da cadea alimentaria poderán realizar a súa achega económica nos puntos de venda dos establecementos por un importe desde un euro ata un máximo de 99. En 'A compra da túa vida' de 2022, a cantidade recadada superou os 20.000 euros.
Esta compañía colabora "de forma habitual" coas xuntas provinciais da AECC, tanto na captación de fondos económicos como nas campañas de sensibilización e información que leva a cabo centrándose na importancia da prevención e en fortalecer a atención sanitaria e psicolóxica para mellorar o benestar tanto dos pacientes como das súas familias.
