Coño Óscar, cortate un pouquiño, que algúns somos da "merda do PP", como ti dis (amosando un grande talante democrático, con amigos así a esquerda non precisa de inimigos).
Eu non estou de acordo con moitas cousas do PP (a guerra ou o 11-M, por exemplo), pero considero que responde mellor ás miñas preocupacións. É unha opción libre nun país libre (de momento, porque oíndote parece que nos quixeras pasar a todos por coitelo ou meternos no caldeiro).
Non te das conta de que coa túa intolerancia e falla de respecto non se vai a ningures? Realmente cres que descualificando e insultando como o máis triste rancoroso é como se vai pola vida? Sinceiramente, tes algún razonamento que si o facemos os desta beira nos chamarías "fascista" e quedarías tan ancho.
Mira, dicir que os 10 millóns de votantes do PP somos catetos é tal barbaridade como dicir que os do PSOE sodes ladróns e asasinos terroristas de Estado.
Dicir que hai que facer traballar o cerebro e logo elucubrar sobre unha nova vida do neonazismo (e mesmo buscarlle socios a España) é tal barbaridade como dicir que co PSOE nos van quitar as terras e voltaremos ao comunismo máis recalcitrante, que mataredes aos curas, encarcelaredes aos empresarios e repartiredes os seus cartos entre os máis pobres, mentres que calquera que pense distinto será desterrado a gulags.
Dicir que todos os do PP temos o cerebro comido por Jiménez Losantos é como asegurar que todos os socialistas o tedes comido por Gabilondo ou Francino (que non podes negar que teñen tamén o seu sectarismo). Dirás que prefires que cho laven estes dous, pero eu, pola miña parte, prefiro ser libre de escoitar a quen me pete, facerlle caso se quero e formarme as miñas propias ideas cos meus propios criterios. Iso é usar o cerebro, pero claro, olvidaba que os do PP somos catetos e non temos deso. Pensamos co cú e cando queremos falar, botamos peidos. Merecemos ser como ovellas. Como esa caste inferior que en 1984 traballaba nas zanxas, obedientes e mudiños ante as elites do PSOE, que guiarán a nave a bo porto. Sooomaaaa.
Sei que che costa recoñecelo, pero no PP houbo e hai políticos de categoría, como Rato, Gallardón, Piqué...
Sei que non estás de acordo, pero a min tampouco se me enchería demasiado a boca cando me lembro de Largos Caballeros, Roldanes, Barrionuevos, Veras, Pepiños Blancos, Abeles Caballeros, Orozcos, Magdalenas Alvarez, Almunias, Rubalcabas,...
E moi fácil pensar que se ten a razón e ampararse niso para insultar ao que non pensa coma ti.
Eu sei que o PP ten erros (posiblemente moitos) e equivocacións (tantas ou máis), e non creo que o PSOE sexa unha caterva de paletos rancorosos. Esa é unha boa diferencia entre ti e máis eu. Eu non comparto o que pensan os do PSOE, pero respecto as súas ideas, e menos os insulto, porque sería insultar a moitos dos meus mellores amigos, persoas que saben que por riba das diferencias ideolóxicas están sempre outros valores como a solidaridade, a amizade, o respecto, a independencia... Non penso que sexan parvos, nin sequera que sexan feos con rabo e cornos. Ti, en cambio, non só cres que eres o máis listo, cres ademais que os demais non están a túa altura, que están equivocados e que non merecen nin sequera respirar o mesmo aire ca ti.
Vouche dicir unha última cousa: non me gusta o PSOE, creo que as cousas non van ir moi ben no futuro, e que se toma a chirigota algúns asuntos de primeira importancia, pero ao mesmo tempo sei recoñecer o seu labor en eidos como as políticas sociais: vodas homosexuais, divorcio express, axudas ao desenvolvemento...
Deberías aprender a escoitar un pouco e respectar o que di o outro. Como dixo o filósofo, "no estoy de acuerdo con tus ideas, pero moriría por defender tu derecho a expresarlas".
