Por E.P. | A CORUÑA | 06/02/2023 | Actualizada ás 19:53
Máis de 5.500 empresas galegas xa recibiron fondos do Plan de Recuperación do Executivo central nas súas diferentes liñas de axuda, segundo datos achegados polo delegado do Goberno, José Miñones, con motivo dunha reunión con empresarios do polígono de Pocomaco.
En concreto, o delegado informou de que o Ministerio de Asuntos Económicos e Transformación Dixital xa concedeu máis 12.000 bonos a pemes e autónomos de Galicia a través programa Kit Dixital, o que supón unha inxección de 58 millóns de euros do Plan de Recuperación ao tecido empresarial galego.
"O Plan de Recuperación está a chegar a Galicia e ás súas pemes", indicou tras reunirse coa xunta directiva a Asociación de Empresarios de Pocomaco, encabezada pola súa presidenta, Lucía López Teijeira.
Na reunión, que tivo lugar neste polígono da Coruña, José Miñones trasladou ao empresariado as convocatorias e investimentos do Plan de Recuperación do Goberno das que se poden beneficiar actualmente as compañías galegas para potenciar a súa modernización.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.