CIG denuncia discriminación do galego nas probas da ABAU

Esixe ao Goberno central "o mesmo trato" para o galego e o castelán nas probas de acceso á universidade.

Por Europa Press / Redacción | SANTIAGO DE COMPOSTELA | 13/02/2023 | Actualizada ás 12:10

Comparte esta noticia

CIG-Ensino apuntou este luns que considera que a última versión presentada polo Ministerio de Educación e FP (MEFP) para regular a proba de acceso á universidade (ABAU) "vulnera a igualdade que debe existir entre o galego e o castelán".

Así, sinalou que, "aínda estando de acordo en que as Comunidades que teñan maior ámbito competencial na ordenación académica e no deseño desta proba", as modificacións introducidas "inciden na discriminación das linguas cooficiais en relación ao castelán".

Segundo trasladou o sindicato nun comunicado, pediron a retirada concreta dese apartado, xa que entende que "pon en dúbida a realización das probas nas materias específicas da especialidade de Lingua e Literatura galega".

Deste xeito, a proposta do sindicato é que, a nivel galego, se regule un novo Plan de normalización lingüística nas aulas e que, nas probas de acceso á universidade, "polo menos a metade" das materias, "incluída a obrigatoria da modalidade de Bacharelato cursado, teñan que ser realizadas en galego". Así mesmo, criticou que o MEFP "regule de costas ao profesorado", a preto dun tema no que a súa opinión "deberían de contar máis aló das organizacións sindicais que os representan".

Estudantes de bacharelato realizan no IES Vilar Ponte os exames de Selectividade ou Probas de Acceso á Universidade ( ABAU)
Estudantes de bacharelato realizan no IES Vilar Ponte os exames de Selectividade ou Probas de Acceso á Universidade ( ABAU) | Fonte: Europa Press - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta