Por Europa Press / Redacción | SANTIAGO DE COMPOSTELA | 17/02/2023 | Actualizada ás 19:49
Unha persoa resultou ferida de consideración na tarde deste venres ao caerlle encima unha árbore nunha leira da localidade pontevedresa da Estrada.
En concreto, segundo a información facilitada polo CIAE 112-Galicia, o suceso ocorreu pouco despois das 18,00 horas no lugar de O Cruceiro, na parroquia de Arca. Ata a zona desprazouse o helicóptero medicalizado do 061 para asistir ao ferido, así como persoal de Garda Civil para prestar apoio.
POZO DE RIBEIRA
Por outra banda, os Bombeiros liberaron este venres a un home que caeu ao interior dun pozo en Ribeira, aínda que sen sufrir danos persoais. A vítima atopábase limpando un pozo situado nunha leira do lugar de Seco, en Artes, cando se precipitou ao interior. Pasou tres horas alí ata que un particular escoitouno pedir axuda e contactou co 112 sobre as 18,30 horas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.