O barco que sufríu un incendio na cuberta está fondeado diante das Illas Cíes
Permanecerá inactivo 24 horas para comprobar a extinción total do incendio.
Por Europa Press / Redacción | SANTIAGO DE COMPOSTELA | 19/02/2023 | Actualizada ás 14:19
O buque portavehículos Grande California, no que se produciu un incendio nunha cuberta de carga este domingo, está xa no fondeadero das Illas Cíes.
Alí, segundo informou Salvamento Marítimo, permanecerá inactivo durante 24 horas para a comprobación da extinción total do incendio xa sufocado. Mentres, coordinado polo centro de Vigo da entidade, o buque María Pita mantén a escolta como medida preventiva.
Trátase dun portavehículos que circulaba a 6 millas do Dispositivo de Separación de Tráfico de Fisterre cando se iniciou un lume na cuberta da carga.
No barco navegaban 25 tripulantes e ningún resultou ferido. Ademais, Salvamento sinalou que a máquina da embarcación tampouco se viu afectada.
