Podemos Galicia e Alianza Verde irán xuntos ás eleccións municipais de maio

Destacan a vontade de "conluír e cooperar" con ecoloxía política

Por Europa Press / Redacción | Galicia | 28/02/2023 | Actualizada ás 19:11

Comparte esta noticia

O coordinador nacional de Podemos Galicia, Borja San Ramón, anunciou que o partido morado concorrerá con Alianza Verde ás eleccións do próximo mes de maio. "Este é o comezo das nosas relacións e da nosa interlocución coas demais forzas do noso espazo político", destacou.

Así, explicou que o acordo permite a Alianza Verde presentarse ás eleccións municipais en todas as cidades e vilas onde Podemos "ten candidaturas e proxecto". Neste sentido, o coordinador nacional manifestou que o "principal obxectivo" é "garantir os mellores proxectos e as mellores candidaturas".

Pola súa banda, a portavoz de Podemos Galicia, Verónica Hermida, puxo de relevo a necesidade de que os concellos "asuman o seu papel na loita contra a crise climática e na transición enerxética", sostendo que a administración local "ten un papel primordial" na necesidade de políticas desde este ámbito "mediante planificación e participación pública".

E na mesma liña mostrouse a coordinadora de Alianza Verde en Galicia, Paula Jarque, quen asegurou que xorde así a "vontade de confluír e cooperar" para "poder impregnar a política do país de ecoloxía política", un espazo que considera que "está desatendido".

Borja San Ramón Tizón, coordinador de Podemos Galicia
Borja San Ramón Tizón, coordinador de Podemos Galicia | Fonte: Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

Imos metendo á patita nos Concellos de Galicia ? https://www.alianzaverde.es/nuestra... Cada día todo máis confuso e retorcido... Agardamos que Yolanda acabe de falar coa súa filla e a ver se nos conta algo do proxecto Sumar ?