O conselleiro delegado de Pescanova denuncia un intento de ciberestafa
Alertou do contido na súa conta de Linkedin
Por E.P. | Galicia | 28/02/2023 | Actualizada ás 20:09
O conselleiro delegado de Pescanova, Ignacio González, denunciou un intento de ciberestafa a través dun comentario na súa conta na rede social Linkedin.
"Todos os días recibo --como case todo o mundo--, polo menos 3 ou 4 intentos de #phishing. Case todos tropezan cos sistemas de seguridade e acaban no spam. Desde a clásica "fraude do CEO" ata calquera argucia imaxinable dos amigos do alleo", explica neste comentario, de hai unha semana.
Xunto a el, adxunta unha captura da mensaxe recibida e indica: "Comparto este de hoxe convosco por bater todas as marcas de creatividade. Pista: se alguén ás 4 da mañá mándavos un mail felicitándovos polo traballo que facedes na compañía, e que por iso vos soben o soldo e que só hai que asinar, desconfiade", advirte.
