Por E.P. | SANTIAGO DE COMPOSTELA | 04/03/2023 | Actualizada ás 17:31
O sindicato CC.OO. e a Fundación 10 de marzo homenaxearon nesta edición do Premio 10 de marzo a José Paraños Pardos, sindicalista que participou na constitución da Federación de Ensino, a Elías Vila Calveira, a título póstumo, polo seu legado no compromiso pola xustiza social, e ás colectivo Mulleres do 72 e, en especial, a Margarita Rodríguez e Fina Varela, como "mulleres que concienciaron á poboación para a loita a favor da democracia e dos dereitos laborais e sociais".
No acto de entrega, celebrado este sábado en Santiago, a conselleira de Promoción do Emprego e Igualdade, María Jesús Lorenzana, apelou ao Diálogo Social que, segundo destacou, "está a permitir cumprir e avanzar en aspectos prioritarios" para o Goberno galego como son "o emprego de calidade e a implantación da igualdade real e do benestar laboral no tecido produtivo".
Sobre isto último, segundo trasladou a Xunta, Lorenzana incidiu na importancia de impulsar este concepto como "factor determinante" para avanzar cara a unha economía máis adaptada á realidade e á demanda das persoas traballadoras. "É preciso un novo enfoque do mundo do traballo, que revalorice as necesidades das persoas traballadoras a través da flexibilización de modelos como factor crave para a produtividade", indicou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.