Por E.P. | A Coruña | 14/03/2023 | Actualizada ás 19:20
O proxecto Mil Ríos da Xunta, que xa realiza melloras en 16 ríos do catro provincias, avanza nas actuacións de restauración do río Mera ao seu paso pola localidade coruñesa de Ortigueira coas que se pretenden retirar as especies invasoras que habitan na súa beira.
A conselleira de Medio Ambiente, Territorio e Vivenda, Ángeles Vázquez, visitou este martes, con motivo do Día Mundial de Acción polos Ríos, os traballos que se realizan no municipio coruñés e que contan cun orzamento de 400.000 euros.
Segundo trasladou a Xunta, estes traballos son parte do proxecto Mil Ríos, para o que se destinaron cinco millóns de euros e que, segundo a conselleira, é unha proba do "compromiso do Goberno autonómico coa conservación e restauración das canles fluviais", así como co aumento da súa biodiversidade.
ACTUACIÓNS NO RÍO MERA
No caso do río Mera, Vázquez destacou que os traballos, que finalizarán en 2024, pretenden controlar as especies exóticas invasoras e revitalizar a vexetación natural, mediante a retirada da herbácea exótica invasora 'Crocosmia x crocosmiiflora' que habita na ribeira.
As actuacións, que contan cun orzamento de preto de 400.000 euros, tamén pretenden recuperar a continuidade fluvial, ao evitar a compartimentación e o illamento das poboacións piscícolas; mellorar os hábitats fluviais; seguir e controlar as especies migratorias e protexer as zonas de alto valor ecolóxico.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.