Por Europa Press / Redacción | SANTIAGO DE COMPOSTELA | 15/03/2023 | Actualizada ás 08:55
O xurado popular encargado do xuízo polo triplo crime de Valga emitiu a última hora deste martes o seu veredicto e determinou por unanimidade que José Luís Abet, autor confeso do crime do seu exmulker e da nai e irmá desta, é culpable de matar de forma "intencionada" ás tres mulleres.
A deliberación estendeuse durante un seis horas e Abet, quen pediu perdón na última xornada do xuízo, tamén foi considerado culpable de dous delitos de lesións psicolóxicas aos seus dous fillos menores ao querer expresamente que presenciasen o crime; e de tenencia ilícita de armas.
Unha vez pronunciado o xurado popular, que de forma unánime declara a Abet culpable de cometer o triplo crime, o tribunal deberá ditar unha sentenza e ábrese a porta á condena de prisión permanente revisable, que puxeron sobre a mesa tanto fiscalía como as acusacións --popular e particular--.
De feito, no veredicto apúntase que o xurado, non é favorable a ningunha medida de indulto ou suspensión da pena; e desestima que actuase baixo calquera tipo de alteración psíquica que limitase a súa capacidade mental. Só seis votos a favor avalan a tese de que Abet colaborou confesando onde tirara a arma do crime.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.