O PPdeG pide ao Goberno central "medidas urxentes polos accidentes" na A-52 e a A-55

Por E.P. | SANTIAGO DE COMPOSTELA | 15/03/2023 | Actualizada ás 13:39

Comparte esta noticia

O PPdeG volveu a reiterar este mércores ao Goberno central "a necesidade" de adoptar "canto antes medidas urxentes ante os continuos accidentes" en dúas autovías galegas, concretamente a A-52 e A-55.

Nun comunicado do PPdG, o senador do Grupo Parlamentario Popular por Pontevedra, Javier Guerra, lembrou que rexistrou o pasado mes de xaneiro no Senado unha batería de preguntas co obxectivo que "o Goberno actúe coa maior celeridade" para "evitar accidentes" e que "aínda non respondeu".

Guerra subliñou que o punto quilométrico 290 da A-52, á altura de Salvaterra do Miño, "segue sumando accidentes de tráfico" e detallou que "todos por saída de vía e posterior envorco ou impacto". Así, definiu o tramo como un "buraco negro".

Nesta liña, Guerra definiu como "inaudito" que o Ministerio de Transportes instalase unha barreira provisional e "dous meses despois siga sen acometerse a reforma necesaria".

Aparatoso accidente cun home falecido na A-52 ao seu paso por Salvaterra de Miño
Aparatoso accidente cun home falecido na A-52 ao seu paso por Salvaterra de Miño | Fonte: GARDA CIVIL

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta