Ingresado Telmo Ucha, concelleiro de Seguridade Cidadá de Ourense, tras un accidente de moto

No perfil do concelleiro si permanece unha mensaxe publicada esta mesma tarde no que asegura "estar xa mellor" e "pronto listo para outra".

Por E.P. | OURENSE | 15/03/2023 | Actualizada ás 20:13

Comparte esta noticia

O concelleiro de Seguridade Cidadá do Concello de Ourense, Telmo Ucha, sufriu o martes un accidente cando se desprazaba na súa moto por unha das estradas que atravesan o municipio de Nogueira de Ramuín e terá que permanecer uns días ingresado.

Sucedeu na OU-0510, á altura da parroquia de Armariz. Ata o lugar desprazouse o GES de Pereiro de Aguiar, a Garda Civil de Tráfico e Protección Civil de Nogueira de Ramuín despois de que os servizos de emerxencia recibisen a chamada dunha testemuña.

O edil foi trasladado en ambulancia do 061 con dor no peito e nas costas despois de saír despedido ao querer esquivar un can, segundo el mesmo relatou nun vídeo gravado desde a cama do Complexo Hospitalario Universitario de Ourense (CHUO) e difundido a través das súas redes sociais, a pesar de que xa non se atopa dispoñible.

No perfil do concelleiro si permanece unha mensaxe publicada esta mesma tarde no que asegura "estar xa mellor" e "pronto listo para outra".

Toma de posesión do concelleiro Telmo Ucha
Toma de posesión do concelleiro Telmo Ucha | Fonte: OURENSE.GAL

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta