O Cedro Atlántico do xardín do Parlamento galego, protagonista dun cupón do ONCE
Trátase da serie 'Abraza a túa árbore'.
Por Europa Press / Redacción | SANTIAGO DE COMPOSTELA | 17/03/2023 | Actualizada ás 11:17
O Cedro Atlántico do Pazo do Hórreo, en Santiago de Compostela, será o protagonista do primeiro cupón do ONCE da serie 'Abraza a túa árbore', que se sortea o vindeiro luns, 20 de marzo. Así, cinco millóns de cupóns levarán por toda España este exemplar que se atopa na sede do Parlamento de Galicia.
O Cedro Atlántico do Pazo do Hórreo está incluído no 'Catálogo galego de árbores singulares', ten unha altura de 21 metros, un perímetro de 4,40 metros e o diámetro da copa alcanza os 25 metros.
Segundo trasladou a entidade, entre as características do Cedro Atlántico destaca que pode alcanzar os 45 metros de altura e un metro de diámetro na base do tronco. A súa forma é cónica, aínda que en árbores vellas adopta formas trapezoidais. Ademais, a súa raíz é penetrante de moza, pero logo o sistema radicular faise máis superficial.
