Aumenta no transporte escolar o cumprimento dos servizos mínimos da folga de autobuses

O cumprimento dos servizos mínimos nos servizos de autobús dependentes da Consellería de Infraestruturas aumentou na franxa horaria de 9,00 a 14,00 horas, respecto das primeiras novas horas do paro (00,00 a 9,00 horas), segundo os datos que achega a Xunta.

De acordo coa información actualizada sobre o seguimento da folga que traslada a consellería, a porcentaxe de cumprimento dos servizos mínimos roldou o 36,55% no autobús interurbano e case o 57% no transporte escolar compartido (servizos integrados).

A Xunta volve manifestar que respecta a folga pero subliña que "hai unhas regras de xogo que hai que cumprir", e lamenta a presenza de piquetes.

Transporte escolar | Fonte: FEDRINTRA.