Atopan un corpo no río Ulla entre Vedra e A Estrada

Polo momento descoñecese a súa identidade.

Por Europa Press / Redacción | SANTIAGO DE COMPOSTELA | 17/04/2023 | Actualizada ás 17:13

Comparte esta noticia

A Garda Civil informou do achado dun cadáver na mañá deste luns no río Ulla, na fronteira entre as provincias da Coruña e Pontevedra.

Así o confirmaron a Europa Press fontes do Instituto Armado, que precisan que o achado se produciu pasadas as 11,00 horas na contorna da Ponte de Gundián, que conecta os municipios de Vedra e A Estrada. As mesmas fontes precisaron que o corpo o atopou unha senderista.

O FOCO EN DESAPARICIÓNS SEN RESOLVER, COMO A DE ÓSCAR GARCÍA

Polo momento, descoñécese a identidade da persoa á que correspondería o cadáver, aínda que a investigación céntrase en desaparicións pendentes de resolver.

Unha das procuras activadas na contorna é a de Óscar García Lema, o veciño de Teo de 62 anos que desapareceu o pasado 29 de marzo en Cepeda, en Cacheiras, no citado municipio coruñés.

INVESTIGACIÓN E PROCURA CON VOLUNTARIOS

Tras a desaparición de García Lema realizáronse numerosas batidas nas que participaron tamén voluntarios civís, mentres que a Garda Civil mantiña abertas "todas as hipóteses" en relación á súa desaparición.

A finais da pasada semana anunciouse que se suspendían as batidas con voluntarios, pero esta mesma mañá, á primeira hora, a Garda Civil aclaraba que a procura e a investigación continuaban activas. Así mesmo, trasladaban que, se se considerase preciso, volveríase a pedir a colaboración cidadá.

Mergulladores do grupo GEAS da Garda Civil buscando un desaparecido nun río en imaxe de arquivo
Mergulladores do grupo GEAS da Garda Civil buscando un desaparecido nun río en imaxe de arquivo | Fonte: Guardia Civil

Río Ulla en Ponteledesma
Río Ulla en Ponteledesma | Fonte: wikipedia
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta