Desviado o tráfico na autovía Santiago-Brión por un accidente múltiple

Un accidente no que se viron involucrados tres vehículos e que se saldou sen persoas feridas obrigou a desviar o tráfico na autovía entre Santiago e Brión ao seu paso polo municipio de Ames-

Segundo trasladou o CIAE 112 Galicia, o sinistro produciuse ao redor das 06,00 horas deste venres no quilómetro 4 da AG-56 no carril sentido Noia, onde chocaron un turismo e unha furgoneta.

Debido ao accidente, no que estivo implicado outro coche e que deixou numerosos restos sobre a vía, a circulación no tramo da autovía tivo que ser desviada para facilitar o traballo dos equipos de emerxencia e dos efectivos do servizo de conservación de estradas.

Operativo da Garda Civil de Tráfico | Fonte: GARDA CIVIL