Por Europa Press / Redacción | PONTEVEDRA | 06/05/2023 | Actualizada ás 11:37
Un motorista faleceu na mañá deste sábado nun accidente de tráfico rexistrado na localidade pontevedresa de Lalín. En concreto, segundo informou o CIAE 112-Galicia, o suceso ocorreu na estrada N-525, ao seu paso por Donramiro, en Lalín, onde chocaron unha moto e un camión. O falecido asistía como espectador ao Mundial de Enduro que se celebra na localidade.
Ata o lugar desprazáronse efectivos da Policía Local, o GES municipal e Protección Civil de Lalín, así como persoal sanitario, que só puido certificar a morte do home. Este é o segundo sinistro mortal de similares características que rexistra Galicia en menos de 24 horas. En concreto, na tarde deste venres outro motorista, de 22 anos, perdía a vida en Pantón (Lugo) ao chocar a súa moto tamén contra un camión.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.