Rexemento Inmortal: 78 aniversario da derrota da Alemaña nazi polo Exército Vermello

Este 9 de maio fai 78 anos do Día da Vitoria do Exército Vermello contra a Alemaña fascista. O 9 de maio foi a data na que Stalin obrigou á Alemaña nazi a asinar a súa rendición en Berlín.

Por Lois Pérez Leira | Bos Aires | 09/05/2023

O acto xa tiña lugar dous días antes, o 7 de maio de 1945, pero Stalin fíxoo repetir para que houbese representantes soviéticos.

Dende hai uns anos conmemórase e homenaxea ao Rexemento Inmortal (en ruso Бессмертный полк - Bessmertny polk), que nesta manifestación a xente sae ás rúas das cidades portando retratos dos seus familiares falecidos durante a Segunda Guerra Mundial, ou como chámase nese país, a Gran Guerra Patriótica.

A primeira marcha deste tipo celebrouse en Tomsk, en 2012, convocando a 5 mil persoas. A idea estendeuse a máis cidades de Rusia e do mundo onde hai presenza de xente dese país. En 2013 xa se levaba a cabo en Casaquistán e Ucraína, e en 2014 fixeron cidades de Bielorrusia, Kirguizistán e Israel. Tamén en Arxentina (Bos Aires, Obera, Rosario, Paraná, Mar del Plata, Bariloche, Comodoro Rivadavia, Ushuaia), Bielorrusia, Bulgaria, Xordania, España (Vigo, Madrid e Almería), Kirguizistán, Nicaragua e Serbia.

En 2015 o presidente Vladimir Putin, xunto con outras 500.000 persoas, participou no Rexemento Inmortal levando o retrato do seu pai.

O 9 de maio de 2018, o Rexemento Inmortal conseguiu reunir máis de 10 millóns de persoas en toda Rusia.Putin explicou o Rexemento Inmortal como un movemento que "naceu no corazón do noso pobo e non en oficinas administrativas; unha demostración do respecto que o noso pobo ten pola xeración máis vella". Por iso, persoas do estranxeiro uníronse ao Rexemento Inmortal en nome da Gran Guerra Patriótica: a súa idea baséase no feito de que é unha loita de todo o mundo contra o nazismo, e non só de Rusia, aínda que son os protagonistas.

O tema está máis actual que nunca. Nos últimos anos, a extrema dereita fascista comezou a facer avances políticos, incluíndo a xestión de varios gobernos como Ucraína, Brasil, Italia, etc. Tamén destacados resultados electorais como en España con Vox. En Arxentina, os chamados libertarios están liderados polo neofascista Javier Milei con grandes expectativas entre sectores desencantados da democracia liberal.

Nos últimos dous anos, co apoio do goberno de Bolsonaro e da operación Vox, formouse o Foro de Madrid para loitar contra o comunismo. Alí xuntáronse partidos e personalidades de moitos países do mundo. Unha verdadeira internacional do neofascismo.

Ante esta ameaza dos sectores máis reaccionarios da política internacional cómpre unha resposta contundente. Por iso é moi importante a mobilización antifascista este 9 de maio. A loita pola democracia, contra o fascismo e o imperialismo é unha tarefa urxente. Os sectores progresistas e de esquerdas deben engadir á súa axenda este importante asunto, tan actual.

Naceu en Vigo en 1953, emigrando á Arxentina cos seus pais sendo aínda un neno. En 1990 retorno definitivamente a Galicia, especializándose en temas migratorios. Durante estes últimos anos escribiu numerosos libros sobre a emigración galega e impartiu distintas conferencias en distintos países do mundo. Nos últimos anos se dedicou ao documentalismo sendo director de 18 documentais. Na actualidade é o secretario xeral de Nova Esquerda Socialista, organización que participa do Novo Proyecto Común. Foi distinguido en numerososa oportunidades, sendo nomeado cidadán ilustre da cidade de Salvador de Bahia.