Rescatan a dous tripulantes dun veleiro envorcado por un refacho de vento na ría de Arousa
Saíron ilesos.
Por Europa Press / Redacción | SANTIAGO DE COMPOSTELA | 13/05/2023 | Actualizada ás 21:37
Os dous tripulantes dun veleiro que envorcou por un refacho de vento cando navegaba pola ría de Arousa foron rescatados por unha lancha neumática da escola naval. A emerxencia produciuse este sábado, cando un refacho de vento fixo que o veleiro envorcase e tirase á auga aos seus dous tripulantes.
Os náufragos, que levaban chaleco salvavidas, pediron auxilio a través do sistema VHF, o que motivou a mobilización por parte de Salvamento Marítimo da embarcación Salvamar Sargadelos e do helicóptero Pesca 1 de Gardacostas de Galicia.
Os dous tripulantes foron rescatados da auga en bo estado de saúde por unha lancha neumática da escola naval que se atopaba pola zona.
