A Xunta e a UDC colaborarán para eliminar a herba da pampa
Por E.P. | A CORUÑA | 23/05/2023 | Actualizada ás 18:03
A Xunta de Galicia e a Universidade da Coruña (UDC) colaborarán no desenvolvemento de accións de control biolóxico para a eliminación da especie exótica invasora 'cortaderia selloana', coñecida como herba da pampa, no marco do convenio asinado este martes pola conselleira de Medio Ambiente, Territorio e Vivenda, Ángeles Vázquez, e o reitor da UDC, Xulio Abalde.
Esta colaboración ten como obxecto desenvolver o uso dunha especie de mosca, concretamente o 'spanolepsis selloanae', como axente de control biolóxico. Será despois de que investigadores desta universidade descubrisen que as femias deste insecto depositan os ovos na herba da pampa "e, tras a súa eclosión, as larvas aliméntanse da estrutura reprodutiva da planta evitando así a formación de sementes viables", explica o departamento autonómico.
Na firma do convenio, a conselleira subliñou que o mesmo supón un paso máis na loita contra o avance desta especie e destacou que este proxecto, que levará a cabo nos próximos dous anos, podería se extrapolable a outras comunidades afectadas por esta problemática.
